1) 對婚宴酒有什么要求/期待 ？

傳統中國人都慣用紅色作喜慶用意，小編當年結婚時家人要求唔可以有任何白色/白酒出現，亦有家庭不介意用白酒作Party或食物配對。有品酒經驗嘅朋友都明白，紅酒配傳統婚宴菜式唔系太適合。類似要求最好事先攪清楚，往后就更易決定購買方向。

另外，不少新人都會安排開香檳、合巹交杯、祝酒，又或者會有下午觀禮Cocktail Party，純喜慶可以安排氣酒或香檳。如果Cocktail Party在室外，大熱天時安排清爽冰涼白酒會更好。

2) 送貨注意事項

購買12支/一箱以上一般都包送貨，如果貴或質素好嘅酒，酒店/酒樓容許提早送貨 ，最好當然兩星期前送到婚宴地點。但一般場地未必提供長時間代存酒，咁只要確保婚宴前一日送到就得。小編亦見過有酒樓出錯將新人提早送到嘅酒，當自己酒樓餐酒開咗俾其他新人使用，賠錢事小，大日子有遺憾唔抵，所以安排前一日送到就好。

3) 要買多少酒？

呢個問題令唔少新人煩惱，亦從來無人畀到指引。其實亦要睇來賓性質。來賓屬于會飲好多嘅豪爽型，定系人人都飲一杯起兩杯止斯文型，定系唔太飲酒嘅克儉型？

一般紅白酒750ML ，以一般酒樓酒店提供酒杯以及侍酒量，大約有五至七杯。平均計六杯嘅話一圍就要兩支。其實有唔少人可以就系呢一杯飲到尾。就算加都系一杯起兩杯止。

另外，如果新人婚宴地方偏遠或多人自駕入去，又或者婚宴日系平日或星期日(即系第二日要返工)會大大減少賓客飲酒量。但好多時現實系新人嘅朋友有豪爽，有斯文又有克儉，又系星期六晚婚宴…即系點計？小編親身經驗：26圍，有兩圍左右超豪爽型，少于一圍克儉型。小編準備左72支。最后有13支拎返屋企。每圍平均酒(圍均酒)約2.2支。

小編幫唔少朋友安排婚宴酒，每圍平均酒亦由1.2支到2.5支左右，未試過超過2.5支一圍。希望俾到大家一點頭緒。

4) 預幾多Budget買酒好？

當然睇新人財力以及對酒要求，無一個標準，小編親身參與購買最平$50內到$500內一支都見過。但小編問過做婚宴嘅酒商，最多人選購都系$70到$120。可以預期$100內一支亦已經算唔錯嘅指標。

5) 如果我想有不同的酒給不同的朋友，有什么要注意？

安排上最多只有兩類酒，唔好出現三類或更多酒。另外要求酒樓或酒店分派一位專員只負責該酒嘅安排，咁就大大減低出錯機會。或者只喺敬酒時用，叫酒樓多預備酒杯，喺后面跟住新人邊敬酒邊飲。

6) 如果我只打算用酒店/酒樓提供紅酒可以嗎 ？

當然可以。唔少酒店自家提供嘅酒都唔錯，但往往提供數量不多。新人先要問清楚如果唔夠后加費用是否合理。而酒樓嘅紅酒質素參差，所以一般唔太建議用酒樓提供嘅酒，除非新人自己親身試過。

一般酒樓都會送紅白酒或干邑(掯嘢)，可以選擇對換其他飲品或退款，以2013年為例，普遍一圍包兩支紅酒可以退$20至$60不等。

7) 如果飲唔哂，通常點處理？

飲唔哂可以話系必定會出現嘅Happy Problem。處理方法：分開已開樽或未開樽，普通婚宴酒已開樽，請放棄吧。因為開左樽嘅紅酒多數都放唔得耐，當然，如果系一支幾百元或者過千元嘅酒未飲完的話唔駛小編建議新人都一定會拎番去再飲。

8) 如果唔夠，又有咩補救方法？

方法其實只有兩個。一就系事先同酒店或酒樓商討即場開佢地提供嘅酒，一系到附近實時補貨。小編有朋友經歷過，如果唔系一開始預備太少酒的話，往往都只因為豪爽型賓客太多，希望不醉無歸，此情況只要有酒精，豪爽型賓客就會滿足，而用酒樓本身有嘅酒或附近7-11/超市紅酒就已經可以解決。

本文轉自：tietheknots